TERME EN VOORWAARDES VIR VERTEENWOORDIGERS VAN GAP AANLYN

1. Aanvaarding van Terme
Deur die Stuur-knoppie hieronder te druk, bevestig ek dat ek hierdie terme en voorwaardes gelees, verstaan en aanvaar het.
1.1 Ek verstaan dat die kommissie slegs op die huidige jaar van toepassing is, en dat ek die verwysingsnommer jaar na jaar in elke inskrywingsvorm moet gebruik om my kommissie te bly ontvang.

2. Gedragskode
2.1 Ek onderneem om GAP Aanlyn tot die beste van my vermoë te ondersteun en om nie GAP Aanlyn in ’n negatiewe lig te stel nie.
2.2 Ek erken dat ek ’n organisasie met Christelike waardes verteenwoordig en onderneem om myself ordelik, respekvol en professioneel te gedra.
2.3 Ek sal my taalgebruik sorgvuldig kies voordat ek enige advertensie of openbare verklaring plaas.

3. Advertensies en Goedkeuring
3.1 Ek verstaan dat ek vooraf skriftelike goedkeuring van GAP Aanlyn moet verkry voordat ek ’n advertensie publiseer waarin GAP Aanlyn genoem word of waarin ons logo gebruik word.

4. Intellektuele Eiendom
4.1 Ek erken dat alle boeke, beeldmateriaal, handelsmerke, lesmateriaal en ander inhoud die uitsluitlike eiendom van GAP Aanlyn is.
4.2 Ek onderneem om geen van hierdie materiaal vir my eie finansiële of ander gewin te gebruik sonder skriftelike toestemming van GAP Aanlyn nie.

5. Respek teenoor Ander Instansies
5.1 Ek sal nie ander soortgelyke instansies slegpraat of in ’n negatiewe lig stel nie.
5.2 Ek erken dat God se lig oor almal skyn en dat hierdie instansies ook mense het om te onderhou.

6. Bindendheid
6.1 Hierdie ooreenkoms is bindend vanaf die datum waarop ek dit elektronies aanvaar.